ANG mapaligiran ng couples ang pinakaayaw ni Michael sa lahat. Ramdam na ramdam niya kasi ang pagiging single kapag tungkol na sa buhay pag-ibig ang usapan. Kadalasan, napagkakamalan pa nga siyang mapili dahil wala pa siyang naipakikilalang babae na masasabing espesyal sa puso niya.
MAY inirereto naman sa kanya ang mga kasamahan niya sa trabaho, isang writer na sikat na rin naman dahil sa mga akda niya. Iyon nga lang, hindi sila close kahit na sabihin pang siya ang editor nito dahil naweweirduhan siya sa nasabing writer.
MAGAGAWA pa kaya niyang mahanap sa ibang babae ang pag-ibig na gusto niyang makita? Paano kung bigla na lamang magpakita ng interes sa kanya ang nasabing writer? Sasakyan kaya niya ang trip nito?
